ಆಡಳಿತ ಮಂಡಳಿ

ಶ್ರೀ ಹಟ್ಟಿಯಂಗಡಿ ಭಾಸ್ಕರ ಕಾಮತ್ ಹಾಗೂ ಶ್ರೀಮತಿ ಹಟ್ಟಿಯಂಗಡಿ ಶಾಂತಾಬಾಯಿ ಕಾಮತ್ ದಂಪತಿಯ ಪುತ್ರರಾಗಿ 26-04-1943 ರಂದು ಜನನ. ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣ ಗಂಗೊಳ್ಳಿಯ ಸರಸ್ವತಿ ವಿದ್ಯಾಲಯ ಶಿಕ್ಷಣ ಸಂಸ್ಥೆಗಳಲ್ಲಿ ಪಡೆದು 1966ರಲ್ಲಿ ಸುರತ್ಕಲ್ ನ ಕೆ.ಆರ್.ಇ.ಸಿ.ಯಲ್ಲಿ ಇಂಜಿನಿಯರಿಂಗ್ ಪದವಿ ಪೂರ್ಣಗೊಳಿಸಿ 1967ರಿಂದ ಕುಟುಂಬದ ವ್ಯವಹಾರವಾದ ಹಂಚಿನ ಕಾರ್ಖಾನೆ ಉದ್ಯಮದಲ್ಲಿ ತೊಡಗಿಸಿಕೊಂಡರು. 2006ರಿಂದ ಸಹಕಾರಿಯ ಅಧ್ಯಕ್ಷರಾಗಿ ಕಾರ್ಯ ನಿರ್ವಹಣೆ, 2014ರಲ್ಲಿ ಸಹಕಾರಿಗೆ ರಾಜ್ಯ ಮಟ್ಟದ ಅತ್ಯುತ್ತಮ ಸಹಕಾರಿ ಸಂಸ್ಥೆ ಪ್ರಶಸ್ತಿ ದೊರಕಿಸಿದ ಕೀರ್ತಿ ಇವರಿಗೆ ಸಲ್ಲುತ್ತದೆ. 2018ರಲ್ಲಿ ರಾಜ್ಯಮಟ್ಟದ ಶ್ರೇಷ್ಠ ಸಹಕಾರಿ ಪ್ರಶಸ್ತಿ ಇವರಿಗೆ ದೊರಕಿದ್ದು ಸಹಕಾರಿ ಕ್ಷೇತ್ರದ ಇವರ ಸಾಧನೆಗೆ ಹಿಡಿದ ಕೈಗನ್ನಡಿಯಾಗಿದೆ.

ಪ್ರಗತಿಪರ ಕೃಷಿಕರು ಆಗಿರುವ ಶ್ರೀಯುತರು ಪ್ರಸ್ತುತ ಈ ಕೆಳಗಿನ ಸೇವಾ ಸಂಸ್ಥೆಗಳಲ್ಲಿ ವಿವಿಧ ಜವಾಬ್ದಾರಿಗಳನ್ನು ಹೊಂದಿರುತ್ತಾರೆ :

• ಕಾರ್ಯದರ್ಶಿ, ಶ್ರೀ ಮಹಾಗಣಪತಿ ಮಹಾಮಾಯ ದೇವಸ್ಥಾನ, ಶಿರಾಲಿ
• ಕಾರ್ಯದರ್ಶಿ, ಶ್ರೀ ಸರಸ್ವತಿ ವಿದ್ಯಾಲಯ ಸ್ಕೂಲ್ ಅಸೋಶಿಯೇಶನ್, ಗಂಗೊಳ್ಳಿ
• ವಿಶ್ವಸ್ಥರು, ಶ್ರೀ ಸಿದ್ಧಿವಿನಾಯಕ ವಸತಿ ಶಾಲೆ, ಹಟ್ಟಿಯಂಗಡಿ
• ವಿಶ್ವಸ್ಥರು, ಶ್ರೀ ಶಾರದಾ ಕಾಲೇಜು, ಬಸ್ರೂರು
• ಸದಸ್ಯರು, ವ್ಯವಸ್ಥಾಪನಾ ಸಮಿತಿ ಶ್ರೀ ಕಾಶೀಮಠ ಹೆಮ್ಮಾಡಿ

ಇವುಗಳಲ್ಲದೆ ಶ್ರೀಯುತರು ಗಂಗೊಳ್ಳಿ ರೋಟರಿ ಕ್ಲಬ್ ನ ಸ್ಥಾಪಕ ಅಧ್ಯಕ್ಷರು ಹಾಗೂ ರೋಟರಿ ಜಿಲ್ಲಾ 3180ನ ಸಹಾಯಕ ಗವರ್ನರ್ ಆಗಿ ಸೇವೆ ಸಲ್ಲಿಸಿದ್ದು, ಗಂಗೊಳ್ಳಿಯ ಸರಸ್ವತಿ ವಿದ್ಯಾಲಯ ಶಿಕ್ಷಣ ಸಂಸ್ಥೆಗಳು ಸೇರಿದಂತೆ ಕುಂದಾಪುರ ತಾಲೂಕಿನ ಹಲವು ಶಿಕ್ಷಣ ಸಂಸ್ಥೆಗಳಿಗೆ ರೋಟರಿ ಸಂಸ್ಥೆಯ ಅನುದಾನವನ್ನು ದೊರಕಿಸಿ ಕೊಡುವುದರಲ್ಲಿ ಪ್ರಮುಖ ಪಾತ್ರ ವಹಿಸಿರುತ್ತಾರೆ.

ದಿನಾಂಕ 27-11-1976 ರಂದು ಗಂಗೊಳ್ಳಿಯ ಪ್ರತಿಷ್ಠಿತ ಶೆಣೈ ಕುಟುಂಬದ ಶ್ರೀ ಭಾಸ್ಕರ್ ವಿಠಲ್ ಶೆಣೈ ಹಾಗೂ ಶ್ರೀಮತಿ ಜಯಶ್ರೀ ಶೆಣೈ ದಂಪತಿಗಳ ಹಿರಿಯ ಪುತ್ರನಾಗಿ ಗಂಗೊಳ್ಳಿಯಲ್ಲಿ ಜನನ. ಪ್ರಾಥಮಿಕ, ಪ್ರೌಢ ಹಾಗೂ ಪದವಿ ಪೂರ್ವ ಶಿಕ್ಷಣವನ್ನು ಗಂಗೊಳ್ಳಿಯ ಸರಸ್ವತಿ ವಿದ್ಯಾಲಯ ಶಿಕ್ಷಣ ಸಂಸ್ಥೆಯಲ್ಲಿ ಪಡೆದು ಕುಂದಾಪುರದ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಬಿ.ಕಾಮ್ ಪದವಿಯನ್ನು ಪಡೆದಿರುತ್ತಾರೆ. ಪ್ರಸ್ತುತ ತಮ್ಮ ತಂದೆ-ತಾಯಿ, ಪತ್ನಿ ವೈಭವಿ , ಪುತ್ರ ವಜ್ರೇಶ್ ಪುತ್ರಿ ವರ್ಷಾ ಹಾಗೂ ಇಬ್ಬರು ಕಿರಿಯ ಸಹೋದರರ ಕೂಡು ಕುಟುಂಬದೊAದಿಗೆ ಗಂಗೊಳ್ಳಿಯಲ್ಲಿ ವಾಸವಾಗಿರುತ್ತಾರೆ.

ಪದವಿ ಬಳಿಕ ತಂದೆಯವರ ದಿನಸಿ ವ್ಯಾಪಾರದ ಜವಾಬ್ದಾರಿಯನ್ನು ವಹಿಸಿ ಇಂದು ದಿನಸಿ ವ್ಯಾಪಾರದ ಚಿಲ್ಲರೆ ಹಾಗೂ ರಖಮ್ ವಿಭಾಗದಲ್ಲಿ ಜಿಲ್ಲ್ಲೆಯಲ್ಲಿಯೇ ಮಂಚೂಣಿಯಲ್ಲಿರುವ ಶ್ರೀ ವೆಂಕಟೇಶ್ ಕೃಪಾ ಟ್ರೇಡರ್ಸ್ ನ ಮಾಲಕರಾಗಿರುತ್ತಾರೆ. ಕಳೆದ ೯ ವರ್ಷಗಳಿಂದ ಗಂಗೊಳ್ಳಿ ಟೌನ್ ಸೌಹಾರ್ದ ಕೊ-ಆಪರೇಟಿವ್ ಸೊಸೈಟಿ ಲಿಮಿಟೆಡ್ ನ ನಿರ್ದೇಶಕರಾಗಿ, ಕಳೆದ ಆಗಸ್ಟ್ ನಿಂದ ಅಧ್ಯಕ್ಷರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

2020 ರಲ್ಲಿ ಗಂಗೊಳ್ಳಿ ಟೌನ್ ಸೌಹಾರ್ದ ಕೊ-ಆಪರೇಟಿವ್ ಸೊಸೈಟಿ ಲಿಮಿಟೆಡ್‌ನ ಶತಮಾನೋತ್ಸವ ಕಟ್ಟಡ ಸಮಿತಿಯ ಅಧ್ಯಕ್ಷರಾಗಿ ಸಂಘಕ್ಕೆ ಸುಂದರವಾದ ಎರಡು ಮಹಡಿಯ ಕಟ್ಟಡವನ್ನು ಅತೀ ಕಡಿಮೆ ಖರ್ಚಿನಲ್ಲಿ ನಿರ್ಮಾಣ ಮಾಡಿ ಸಂಸ್ಥೆಗೆ 20 ಲಕ್ಷಕ್ಕೂ ಅಧಿಕ ಮೊತ್ತವನ್ನು ಉಳಿಸಿ ಕೊಟ್ಟ ಕೀರ್ತಿ ಶ್ರೀಯುತ ಶೆಣೈಯವರಿಗೆ ಸಲ್ಲುತ್ತದೆ. ಸಂಘಕ್ಕೆ ನೂತನ ಧ್ವಜಸ್ತಂಭ ನಿರ್ಮಾಣ, ಸಂಘಕ್ಕೆ ಅತ್ಯುತ್ತಮ ಸಭಾಭವನ ಇತ್ಯಾದಿ ಆಧುನಿಕ ಸೌಲಭ್ಯಗಳನ್ನು ಒದಗಿಸಿದ ಕೀರ್ತಿ ಇವರಿಗೆ ಸಲ್ಲುತ್ತದೆ. ಸಾಮಾಜಿಕ ಕಾರ್ಯಗಳಿಗೂ ಶ್ರೀಯುತರ ಸೇವೆ ನಿತ್ಯ ನಿರಂತರ. ಗಂಗೊಳ್ಳಿಯಲ್ಲಿ ಶಿಕ್ಷಣ ಕ್ಷೇತ್ರಕ್ಕೆ ಕೊಡುಗೆ ನೀಡುತ್ತಿರುವ ಶ್ರೀ ಸರಸ್ವತಿ ವಿದ್ಯಾನಿಧಿಯ ಸಂಚಾಲಕರಾಗಿ, ಶ್ರೀ ರಾಘವೇಂದ್ರ ಸ್ಪೋರ್ಟ್್ಸ ಕ್ಲಬ್ ನ ಅಧ್ಯಕ್ಷರಾಗಿ ಗಂಗೊಳ್ಳಿಯ ಸಾರ್ವಜನಿಕ ಶ್ರೀ ಶಾರದೋತ್ಸವ ಸಮಿತಿಯ ಕೋಶಾಧಿಕಾರಿಯಾಗಿ, ಪದಾಧಿಕಾರಿಯಾಗಿ ಶ್ರಿಯುತ ಶೆಣೈಯವರು ಸೇವೆ ಸಲ್ಲಿಸಿರುತ್ತಾರೆ.

ತಮ್ಮ ವ್ಯವಹಾರ ಸ್ಥಳದಲ್ಲಿ ಪ್ರತಿ ವರ್ಷ ವಿಧ್ಯಾರ್ಥಿಗಳಿಗೆ ದೇಶಪ್ರೇಮದ ಕುರಿತ ಪ್ರಬಂಧ ಸ್ಪರ್ಧೆಯನ್ನು ಏರ್ಪಡಿಸಿ ನಗದು ಪುರಸ್ಕಾರ ನೀಡಿದ ಕೀರ್ತಿ ಶ್ರೀಯುತರಿಗೆ ಸಲ್ಲುತ್ತದೆ. ಸಾಮಾಜಿಕ, ಶೈಕ್ಷಣಿಕ,ಸಹಕಾರ ಮಾತ್ರವಲ್ಲದೆ ಧಾರ್ಮಿಕ ಕ್ಷೇತ್ರದಲ್ಲಿಯೂ ಶ್ರೀಯುತರು ಸೇವೆ ಸಲ್ಲಿಸುತ್ತಿದ್ದು ಗಂಗೊಳ್ಳಿ ಪರಿಸರದ ದೇವಸ್ಥಾನಗಳಲ್ಲಿ ಸ್ವಯಂ ಸೇವಕರಾಗಿ, ದಾನಿಗಳಾಗಿ ಸರ್ವರಿಂದಲೂ ಗುರುತಿಸಲ್ಪಟ್ಟಿರುತ್ತಾರೆ. ಶ್ರೀಯುತರ ಶೈಕ್ಷಣಿಕ ಅರ್ಹತೆ , ವ್ಯವಹಾರ ಕೌಶಲ್ಯ, ಪ್ರಾಮಾಣಿಕತೆ, ಬದ್ದತೆ , ಸೇವಾ ಹಾಗೂ ಸಹಕಾರ ಮನೋಭಾವ ಸಂಘದ ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾಗುವಲ್ಲಿ ಪ್ರಮುಖ ಪಾತ್ರವಹಿಸಿದೆ.